Dagskrá Gatorade búðanna 2025

Gatorade körfuboltabúðir í 📍 Origo höllinni að Hlíðarenda. Búðirnar í ár eru frá mánudegi 9. júní til fimmtudags 12. júní næstkomandi en þær eru hugsaðar fyrir áhugasama körfuboltastráka og stelpur á aldrinum 11 til 18 ára. Spilað er á háar körfur og þeir sem treysta sér í það eru velkomnir.

Þessir krakkar fá hér tækifæri til þess að njóta handleiðslu færra þjálfara sem munu þjálfa í búðunum.

Dino Basketball Camp 2025

Skráning er opin til 1. apríl í hinar glæsilegu körfuboltabúðir Dino Stipcic fyrir sumarið.

Búðirnar verða haldnar á fallegu eyjunni Rab í Króatíu, frá 7. júní til 14. júní í sumar og geta allir krakkar á aldursbilinu 2007 til 2012 skráð sig.

Dino Stipcic, leikmaður Álftaness og þjálfari U-15 karlalandsliðsins í körfuknattleik, hefur yfirumsjón með búðunum en honum til halds og trausts verður fjöldinn allur af frambærilegum þjálfurum og leikmönnum. Munu sérstakir gestir á borð við Jón Arnór Stefánsson, sem er af mörgum talinn fremsti körfuboltamaður í sögu Íslands, fyrrum NBA-leikmaðurinn Gordan Giriček og næringarsérfræðinginn Sebastijan Orlić láta sjá sig.

The Art of Shooting – Körfuboltabúðir í Njarðvík

“Vertu fjölhæfur skotmaður – tilbúinn fyrir hvaða skot sem er, hvenær sem er.”

Njarðvík býður í samstarfi við hinar þekktu Shooting Club skotbúðir upp á The Art of Shooting Camp í fyrsta sinn í Icemar Höllinni. Þessar háþróuðu búðir hafa farið víða um Evrópu og eru leiddar af Peter Rajniak, skotþjálfara A-landsliðs Luxemborg og aðalþjálfara búðanna.

By any Means Basketball

BY ANY MEANS BASKETBALL – ICELAND CAMP 2025
Þriðja árið í röð!

Þjálfari Coleman Ayers og By Any Means Basketball snúa aftur til Íslands til að vinna með metnaðarfullum körfuboltakrökkum hvaðanæva að af landinu! Á hverju ári höfum við séð frábæra mætingu, mikla orku og ótrúlega framfarir – jafnvel á aðeins tveimur dögum. Við hlökkum til að gera þetta ár enn betra!

Körfuboltabúðir Hauka 14.-16. apríl

Körfuknattleiksdeild Hauka býður upp á æfingabúðir dagana 14.–16. apríl

Hvetjum alla áhugasama til að skrá sig og bæta sig rétt fyrir páskafrí.

📅 Dagsetning: 14.–16. apríl

🕘 Tímasetningar:

• 1.–6. bekkur æfir 10:00 - 12:00
• 7.–10. bekkur æfir 12:30 - 15:00

📍 Staðsetning: Íþróttahúsið Ásvöllum, Hafnarfjörður

📞 Sími: 690-0242

👥 Aldur: 1.–6. bekkur og 7.–10. bekkur

💰 Verð: 9.900 kr.

👉 Skráning fer fram hér

Leó Curtis, Scandinavian Elite og ÍR Körfu

Dagana 14. og 15. apríl mun Leó Curtis í samstarfi við Scandinavian Elite og ÍR Körfu halda körfuboltabúðir í Skógarselinu.

Á námskeiðinu verður aðaláhersla lögð á spil í litlum hópum (1v1, 2v2 3v3) og að allir iðkendur séu sem mest með boltann í höndunum.

Hvorn daginn verður æft í 2 klukkutíma og 30 mínútur fara í videofund.

Páskanámskeið Vals í körfubolta

Dagana 14.–16. apríl (mánudag til miðvikudags) verður boðið upp á Páskanámskeið fyrir krakka á aldrinum 8–13 ára (f. 2016–2011) í körfubolta.

📅 Dagsetning: 14.–16. apríl
🕘 Tímasetning: 12:00–13:20
📍 Staðsetning: Valur, Reykjavík
👥 Aldur: Drengir og stúlkur fædd 2011–2016

👉 Skráning páskanámskeið:

• 8-9 ára
• 10-11 ára
• 12-13 ára

Ágúst Björgvinsson, yfirþjálfari Vals, mun stýra námskeiðinu.

Ágúst hefur mikla reynslu á að halda körfuboltanámskeið og stýrir hinum gríðarlega vinsælu Gatorade körfuboltabúðum sem haldnar hafa verið í 25 ár og uppselt hefur verið í þær búðir síðustu árin.

Skotbúðir Brynjars & Ármanns 14.–16. apríl

Það verður líf og fjör í Laugardalshöllinni í dymbilvikunni þegar Skotbúðir Brynjars og Ármann Körfubolti fara fram. Skotbúðirnar hafa verið vel sóttar síðastliðin ár og alltaf verið mikið fjör. Í ár verða þær tvískiptar. 2. - 6. bekkur og svo 7. - 10. bekkur.

Frábært tækifæri fyrir börn og unglinga til þess að verða betri í körfubolta.

📅 Dagsetning: 14.–16. apríl

Fyrir þjálfara og aðstoðarmenn

BY ANY MEANS BASKETBALL – ICELAND COACHES’ CLINIC 2025

Þjálfari Coleman Ayers og By Any Means Basketball snúa aftur til Íslands til að vinna með þjálfurum og aðstoðarmönnum í körfubolta. Þjálfarar munu fá tækifæri til að læra af einum af fremstu einstaklingsþjálfurum í Bandaríkjunum. Coleman hefur unnið með leikmönnum á öllum stigum – frá grunnskólakrökkum til atvinnumanna.

Við eyðum tveimur tímum í að fara yfir einstakar og nýstárlegar þjálfunaraðferðir sem auka sjálfstraust leikmanna, bæta leikskilning og hreyfigetu, og styrkja heildarfærni þeirra á vellinum. Þú færð með þér hagnýt verkfæri, æfingar og nýja sýn á þjálfun.

Stórskemmtilegt körfuboltamót fyrir krakka fædda 2015-2019 (MB 5-9 ára)

Stórskemmtilegt körfuboltamót fyrir krakka fædda 2015-2019 (MB 5-9 ára)

Hvert lið leikur a.m.k. 4 leiki

• 1×12 mín hver leikur
• 5-7 ára spilar 3 á 3
• 8-9 ára spilar 4 á 4

Gjöf frá Bæjarins Beztu að móti loknu

Þátttökugjald er 3.500 kr. á hvern leikmann

Skráning á mótið fer fram hér

📅 Dagsetning: 5.–6. apríl 2025